ໂຄງການກະສິກຳເພື່ອໂພຊະນາການໄລຍະ 2
Agriculture for Nutrition Project Phase II
ສົ່ງເສີມຄວາມໝັ້ນຄົງດ້ານສະບຽງອາຫານ,
ໂພຊະນາການ, ການປັບຕົວຕໍ່ການປ່ຽນແປງດິນຟ້າອາກາດ ແລະ ສ້າງລາຍລາຍຮັບໃຫ້ແກ່ປະຊາຊົນ
ກ່ຽວກັບໂຄງການ
ໂຄງການກະສິກຳເພື່ອໂພຊະນາການໄລຍະ 2 (AFN II) ແມ່ນໂຄງການສືບຕໍ່ຈາກໂຄງການກະສິກຳເພື່ອໂພຊະນາການໄລຍະ 1 ທີ່ໄດ້ຮັບທຶນສະຫນັບສະຫນູນຈາກ ກອງທຶນສາກົນເພື່ອການພັດທະນາກະສິກຳ (IFAD) ແລະ ອົງການອາຫານໂລກ (WFP). ລັດຖະບານແຫ່ງ ສປປ ລາວ ໄດ້ຮັບທຶນຊ່ວຍເຫຼືອລ້າເພິ້ມອີກຈາກ ອົງການແຜນງານກະສິກຳ ແລະ ຄ້ຳສະບຽງອາຫານໂລກ (GAFSP) ຈຳນວນ 20 ລ້ານໂດລາສະຫະລັດ ແລະ ທຶນກູ້ຢືມຈາກ ກອງທຶນສາກົນເພື່ອການພັດທະນາກະສິກຳ (IFAD) ຈຳນວນ 13,2 ລ້ານໂດລາສະຫະລັດ ເພື່ອຈັດຕັ້ງປະຕິບັດໂຄງການໄລຍະ 2.

ອົງການຜູ້ໃຫ້ທຶນ




ປື້ມຄູ່ມື ແລະ ເອກະສານໂຄງການ
ໂຄງການກະສິກຳເພື່ອໂພຊະນາການໄລຍະ 2 ເມືອງຕະໂອ້ຍ - AFN II TaOy
ສຳເລັດລົງມອບ-ຮັບທຶນສວນຄົວ ຈຳນວນ 541ທຶນ ໃນ 10 ບ້ານເປົ້າຫມາຍປີ 2025 ມີບ້ານດັ່ງລຸ່ມນີ້:
• ບ້ານ ໂບ່ງນ້ຳ 44 ຄອບຄົວ ເປັນເງິນ110,000,000 ກີບ
•ບ້ານ ອາດອນ 44 ຄອບຄົວ ເປັນງິນ110,000,000ກີບ
•ບ້ານ ຕະປຶນພູ 81ຄອບຄົວ ເປັນເງິນ 202,500,000 ກີບ
•ບ້ານ ທົ່ງກາໄຮ່ 34 ຄອບຄົວ ເປັນເງິນ 85,000,000,ກີບ
•ບ້ານ ທົ່ງຊະ 54 ຄອບຄົວ ເປັນເງິນ135,000,000ກີບ
•ບ້ານ ທົ່ງກາງໃຕ້ 15 ຄອບຄົວເປັນເງິນ 37,000,000 ກີບ
•ບ້ານ ກົກບົດ 86 ຄອບຄົວ ເປັນເງິນ 215,000,000ກີບ
•ບ້ານ ປະຈູ_ກະປາ 27ຄອບຄົວເປັນເງິນ67,000,000ກີບ
•ບ້ານ ປະດຸ 97 ຄອບຄົວ ເປັນເງິນ 242,500,000ກີບ
• ບ້ານ ຫ້ວຍງົວ 59 ຄອບຄົວ ເປັນເງິນ147,500,000ກີບ
👉ລວມທັງຫມົດ 10 ບ້ານ ແມ່ນ1,352,500,000ກີບ
ໂຄງການກະສິກຳເພື່ອໂພຊະນາການໄລຍະ 2 ເມືອງຕະໂອ້ຍ - AFN II TaOy
ຫົວຫນ້າປະສານງານໂຄງການກະສິກຳເພື່ອໂພຊະນາໄລຍະ2 ຂັ້ນສູນກາງ ພ້ອມດ້ວຍທີມງານຂັ້ນເມືອງ ລົງຕິດຕາມ ການມອບ-ຮັບແນວພັນໄກ່ ໃຫ້ກຸ່ມບ້ານເປົ້າຫມາຍໂຄງການAFN - II
ໂຄງການກະສິກຳເພື່ອໂພຊະນາການໄລຍະ 2 ເມືອງຕະໂອ້ຍ - AFN II TaOy
ພິທີມອບ-ຮັບ ທຶນສວນຄົວ ໃຫ້ 10 ບ້ານເປົ້າຫມາຍປີ 2025
ໃນຄັ້ງວັນທີ 22 ກັນຍາ 2025 ໂຄງການກະສິກຳເພື່ອໂພຊະນາການໄລຍະ 2 ເມືອງຕະໂອ້ຍ ໄດ້ຈັດພິທີ ມອບ-ຮັບເງິນ ໃຫ້ແກ່ 10 ບ້ານເປົ້າຫມາຍໂຄງການ ໃນຈຳນວນ 541 ທຶນ ເປັນເງິນແມ່ນ1,352,500,000ກີບ ໂດຍພາຍໃຕ້ການເປັນປະທານ ຂອງທ່ານ ພູທົງ ຄຳມະນີວົງ ຮອງເຈົ້າແຂວງ ປະທານຊີ້ນຳໂຄງການຂັ້ນແຂວງ ເຊິ່ງເຂົ້າຮ່ວມມີປະສານງານໂຄງການ ຄກພ2 ຂັ້ນສູນກາງ, ຮອງຫົວຫນ້າພະແນກກະສິກຳ ແລະ ສິ່ງແວດລ້ອມ, ຄະນະປະຈຳພັກເມືອງ, ປະສານງານຂັ້ນສູນກາງ ແລະ ຫ້ອງການອ້ອມຂ້າງທີ່ກ່ຽວຂ້ອງ
ໃນນັ້ນທ່ານ ເພັດສຸພັນ ແກ້ວດວງສີ ຜູ້ປະສານງານໂຄງການ ຄກພ2 ໄດ້ລາຍງານຜົນການຈັດຕັ້ງປະຕິບັດວຽກງານການເຄື່ອນໄຫວຂອງໂຄງການ 9 ເດືອນ ປີ 2025 ໂດຍຫຍໍ້
ທ່ານ ສີໂສວັດ ພັນດານຸວົງ ຫົວຫນ້າປະສານງານຂັ້ນສູນກາງ, ທ່ານ ວິໄລສັກ ພົມພັກດີ ຮອງຫົວຫນ້າພະແນກກະສິກຳ ແລະ ສິ່ງແວດລ້ອມ , ຄະນະປະຈຳພັກເມືອງ(ຜູ້ປະຈຳການ) ໄດ້ມີຄຳເຫັນຕໍ່ກອງປະຊຸມດັ່ງກ່າວ
ຫລັງຈາກນັ້ນ ທ່ານ ພູທົງ ຄຳມະນີວົງ ຮອງເຈົ້າແຂວງປະທານຊີ້ນຳໂຄງການຂັ້ນແຂວງໄດ້ມີ@ຄຳເຫັນໂອ້ລົມຢ່າງກົງໄປກົງມາ
ທ້າຍສຸດນີ້ ແມ່ນໄດ້ມອບ-ຮັບທຶນ ມອບໂດຍປະທານຊີ້ນຳໂຄງການຂັ້ນແຂວງ, ຮັບໂດຍຄະນະຊີ້ນຳຂັ້ນເມືຶອງ
ໂຄງການກະສິກຳເພື່ອໂພຊະນາການໄລຍະ 2 ເມືອງຕະໂອ້ຍ - AFN II TaOy
ເສັ້ນທາງໄປບ້ານເປົ້າໝາຍໂຄງການ. Road to Project Target Villages
ໂຄງການກະສິກຳເພື່ອໂພຊະນາການໄລຍະ 2 ເມືອງປາກແບງ - AFN II Pakbeng
ໃນລະຫວ່າງວັນທີ 23-24 ກັນຍາ 2025 ຜ່ານມາ ໂຄງການກະສິກຳເພື່ອໂພຊະນາການ ໄລຍະ2 ປະຈຳ ເມືອງປາກແບງ ໄດ້ມີການຈັດຝຶກອົບຮົມ ຄວາມຮູ້ພື້ນຖານ ທາງດ້ານເຕັກນິກກະສິກຳ ໃຫ້ແກ່ຜູ້ອໍານວຍຄວາມສະດວກ ແລະ ວິຊາການຂັ້ນບ້ານ ຈໍານວນ 6 ບ້ານເປົ້າໝາຍປີ 2025 ຊຸດທີ 1 ຄື ບ້ານ ໄຊຊະນະ, ບ້ານ ຫົວນໍ້າປາ, ບ້ານ ພູສູງ, ບ້ານ ຈອມແລງນ້ອຍ, ບ້ານ ສຸກໄຊ ແລະ ບ້ານ ປິງ. ມີຜູ້ເຂົ້າຮ່ວມທັງໝົດ 33 ຄົນ, ຍິງ 8 ຄົນ ທີ່ຫ້ອງປະຊຸມຫ້ອງການກະສິກຳ ແລະ ສິ່ງແວດລ້ອມ ເມືອງ ປາກແບງ ໂດຍການກ່າວເປີດການຝຶກອົບຮົມຂອງ ທ່ານ ສົມໝາຍ ແກ້ວທອງຈັນ ກຳມະການພັກເມືອງ ຫົວໜ້າຫ້ອງການກະສິກຳ ແລະ ສິ່ງແວດລ້ອມ ເມືອງປາກແບງ ຄະນະຊີ້ນຳໂຄງການຂັ້ນເມືອງ. ການຝຶກອົບຮົມຄັ້ງນີ້ປະກອບມີສອງພາກຄື: ພາກທິດສະດີ ແລະ ພາກສາທິດປະຕິບັດຕົວຈິງ
ພາຍຫຼັງສຳເລັດການຝຶກອົບຮົມ ທາງຫ້ອງການກະສິກຳ ແລະ ສິ່ງແວດລ້ອມ ເມືອງປາກແບງ ໃນນາມຫ້ອງການປະສານງານໂຄງການ, ໄດ້ມີການມອບໃບຢັ້ງຢືນໃຫ້ນັກສຳມະນາກອນທີ່ເຂົ້າຮ່ວມການຝຶກຮົມຄັ້ງນີ້ ເຊິ່ງເປັນກຽດມອບໃບຢັ້ງຢືນໂດຍ ທ່ານ ສົມໝາຍ ແກ້ວທອງຈັນ ກຳມະການພັກເມືອງ ຫົວໜ້າຫ້ອງການກະສິກຳ ແລະ ສິ່ງແວດລ້ອມ ເມືອງປາກແບງ ຄະນະຊີ້ນຳໂຄງການຂັ້ນເມືອງ, ພ້ອມທັງມີຄຳເຫັນໂອ້ລົມ ແລະ ໃຫ້ທິດຊີ້ນຳແກ່ນັກສຳມະນາກອນທຸກຄົນ ນຳເອົາຄວາມຮູ້, ເຕັກນິກຕ່າງໆ ທີ່ໄດ້ຈາກການຝຶກອົບຮົມໃນຄັ້ງນີ້ ໄປຜັນຂະຫຍາຍ ແລະ ຈັດຕັ້ງປະຕິບັດຕົວຈິງ ໃຫ້ກຸ່ມເປົ້າໝາຍພາຍໃນບ້ານຂອງຕົນເອງ ໄດ້ຮັບຮູ້ເຂົ້າໃຈ ແລະ ພ້ອມກັນຈັດຕັ້ງປະຕິບັດໃຫ້ໄດ້ຮັບຜົນດີ.
ຄູ່ຮ່ວມຈັດຕັ້ງປະຕິບັດໂຄງການ



